• As súas tipografías úsanse en 48 linguas distintas.
• Publicacións de todo o mundo empregan os seus tipos: Jornal das Letras (Portugal), Diário Económico (Portugal), Libèration (Francia), Le Figaro (Francia), A Bola (Portugal), The Observer (Reino Unido), Correio da Bahia (O Brasil), O País (Angola), Tiempo (España), Los Angeles Magazine (EUA).
• Deseñou tipografías exclusivas para revistas como New York Times Magazine (Nyte), Stuff Magazines (Strapff), House Traders (Dobra).
• No apartado dos galardóns, a súa tipografía Andrade, inspirada no traballo do tipógrafo luso Manoel de Andrade de Figueiredo foi unha das gañadoras nos premios aos mellores deseños tipográficos da revista Creative Review en 2006. E coa Ventura obtivo o Certificado de excelencia ao deseño de tipos do Type Directors Club de Nova York en 2008.

Nunha conferencia que leva por título Aínda que chova... deseña. Deseño gráfico en Galicia na era global, Marcos Dopico abordará a situación  do deseño gráfico en Galicia na actualidade, tras a época posmoderna, e fará un repaso por algúns dos debates clave das últimas décadas (local vs. global, tradición vs. modernidade, contrución da identidade, efectos da globalización nas zonas periféricas, remuda xeracional, ámbito da formación en Galicia ou movemento asociativo).

Marcos Dopico é doutor en Belas Artes e profesor de Deseño na Facultade de Belas Artes da Universidade de Vigo na que imparte as materias de Proxectos de Deseño e Historia do Deseño. Tamén colabora como docente cos Estudos de Deseño Superior en Deseño Téxtil e Moda de Galicia ESDEMGA, e no Máster en dirección de arte publicitaria da Universidade de Vigo.
 
Ten publicados dous libros: Propuestas para un diseño normal, e Arqueología tipográfica: una historia de la tipografía moderna, ademais de artigos e relatorios en publicacións especializadas. A súa faceta investigadora céntrase na influencia da modernidade no deseño contemporáneo.

No seu labor profesional como deseñador é socio do estudio De dominio público, que desenvolve a súa actividade nos ámbitos da comunicación gráfica, a identidade visual e o deseño editorial.

Conferencia de Marcos Dopico
Título: Aínda que chova... deseña. Deseño gráfico en Galicia na era global
Presenta: Natalia Crecente
Lugar: Salón de conferencias da Casa das Campás  (2º andar)
Día: xoves, 16 de decembro
Hora: 19.30 h
Entrada libre

Desde aquí, queremos animar a todas as persoas interesadas en ver a escolma de libros obxecto e libros de artista que se expón na entrada da Casa das Campas a que se dean présa e non deixen pasar a oportunidade de visitar unha mostra tan orixinal.

Participan:

Pepe Barro, deseñador galego con máis de trinta anos de profesión ás costas e membro da Asociación Galega de Deseñadores. Ao fronte do seu estudio Grupo Revisión Deseño leva desenvolvendo traballos de deseño editorial coma o do semanario A Nosa Terra, 1977; O Diario de Galicia, 1987; a revista Tempos, 1996, e publicacións de Turgalicia entre 2001 e 2004. Entre os diversos premios que recibiu figuran o Premio Xerais á cooperación editorial en 2000, o Premio letra 2002 (SIGN-IFEMA) e o Premio AEPD de deseño en 2006.

Manuel Bragado (Vigo, 1959)
Licenciouse en Ciencias da Educación na Universidade de Santiago de Compostela e durante anos exerceu a docencia como mestre de educación infantil e primaria. Foi presidente da asociación pedagóxica Nova Escola Galega (1986-88) e director da Revista Galega de Educación (1986-2000).
Na actualidade é o director de Edicións Xerais, cargo que tamén compatibiliza co de presidente da Asociación Galega de Editores. Ademais, dá clases no Máster de edición da Universidade de Santiago de Compostela e de Vigo, e colabora con distintos medios de comunicación: a Radio Galega, Xornal.com... e o Faro de Vigo, onde mantén unha columna semanal desde hai anos. Por último, non podemos deixar de mencionar a súa faceta de conferenciante e de blogueiro, cunha bitácora, Brétemas, que xa se converteu nun referente dentro da blogoesfera galega e desde a que realiza un seguimento de temas editoriais, literarios e políticos de actualidade.

Pedro Nora da editora Braço de Ferro
Estudou na Academia de Belas Artes do Porto e desde 2007, este deseñador gráfico xunto coa artista Isabel Carvalho coordina o proxecto editorial independente e autosustentado que leva por nome Braço de Ferro.

Os editores de Braço de Ferro ven no libro unha forma de acción pública (pública-acción) e política, que debe potenciar a reflexión e o enriquecemento do lector e proporcionar unha alternativa aos medios establecidos de transmisión do coñecemento. As súas opcións editoriais, artísticas e formais resultan do estreito diálogo entre eles e os autores de cada proxecto, e desenvólvense nunha esfera de experimentación e de cuestionamento ao redor do libro.

Algunhas das súas obras pódense visitar na exposición do feet, como por exemplo: Girls are dreaming about enormous machines, Lebre um / O feio como reinvenção, s/he is her/e, Impossuível, A economia do Artista... e así ata completar un total de quince títulos.

Tati Mancebo (A Coruña, 1969)
É licenciada en Filoloxía Inglesa pola Universidade de Santiago de Compostela. Como poeta publicou un libro individual, Na hora redonda, e tamén participou en numerosas publicacións colectivas en Galicia e Portugal e en recitais poéticos. Ten experiencia como tradutora de guións de cine O Bosque animado e de poesía inglesa, irlandesa e estadounidense para revistas e medios electrónicos.
Desde hai tempo traballa como consultora cultural na rede. Forma parte do equipo de Algueirada, unha empresa de xestión cultural que está detrás de comunidades como Blogaliza ou do proxecto musical AcoruñaSon. Tamén son formadores en TIC da Fundación Amancio Ortega e constrúen espazos para escritores: Xavier Alcalá, Pepe Cáccamo, Suso de Toro ou Manuel Rivas están entre os seus clientes. Alén do seu labor en Algueirada, Tati Mancebo colabora no blog de crítica literaria O levantador de minas, e ten blog e twitter de seu, centrados no libro e a literatura dixitais.

Ángel Cerviño  (Lugo, 1956)
É escritor, artista visual e comisario de exposicións. Ten publicados varios libros, Kamasutra para Hansel y Gretel, El ave Fénix sólo caga canela, co que gañou o XV Premio de Poesía Cidade de Mérida, Teleprompter, e numerosos textos críticos sobre as novas prácticas artísticas e a crecente tendencia á espectacularización da industria cultural, en revistas, catálogos e publicacións de arte contemporánea. Ángel Cerviño foi membro do Consello editorial da revista SINAL (órgano de expresión da Asociación Galega de Artistas Visuais) e ten participado en diversos proxectos editoriais, entre outros: Proxecto edición (CGAC, Santiago de Compostela, 2006), Fragmentos de cultura contemporánea (Vigo, 2007 – 2008). Ademais, mantén vivo na rede un blog, Turbulencias, sobre arte e literatura.

Nuno Coelho (Bruxelas, 1971)
Está licenciado en Deseño e Comunicación/ Arte Gráfica pola Facultade de Belas Artes do Porto, e durante a súa etapa universitaria tamén cursou estudos na Escola de Artes Plásticas e Visuais de Mons/Bergen (Bélxica) como bolseiro Erasmus. Ten un Máster en deseño e produción gráfica pola Universidade Barcelona e é doutorando en Arte Contemporánea.
Na actualidade imparte aulas na Licenciatura e no Mestrado en design e multimedia da Facultade de Ciencias e Tecnoloxía da Universidade de Coimbra e como deseñador freelance desenvolve traballos para diversas institucións en Portugal, Alemaña, España, Noruega, Palestina e O Reino Unido.
Organizou as exposicións “Uma terra sem gente para gente sem terra” e “Undesign”, entre outras, e tamén participou en diversas exposicións colectivas en Portugal, Alemaña, Austria, España, como “Timeless”, unha exposición que formou parte da programación de Experimenta Design Lisboa en 2009.
Con Adam Kershaw, Nuno Coelho publicou Uma terra sem gente para gente sem terra - Um livro de colorir sobre a Palestina, libro que presentou onte no feet.

Título: A edición como campo aberto de expresión
Día: sábado, 4 de decembro
Hora: 11.00 h
Lugar: A Casa das Campás
Entrada libre

Neste caso, o material para a páxina non era o papel, senón unha lata de conservas que no seu interior contiña diferentes elementos: o poema de Manuel Antonio: S.O.S., un cordel e un cravo, escarvadentes, aire da ría. 

Deste xeito, o diferente contido de cada unha das latas contribúe a facer aínda máis especial e singular cada un dos exemplares da revista, porque o significado de cada páxina varía en función da páxina do exemplar que ao lector lle toque ler e interpretar.

Moitas grazas aos traballadores de Anfaco pola súa hospitalidade.

Nuno Coelho e Adam Kershaw presentaron a súa obra Uma terra sem gente para gente sem terra - Um livro de colorir sobre a Palestina e compartiron cos participantes do Taller de edición e xestión de revistas experimentais de La Más Bella a súa experiencia en autoedición.

A continuación, Pepe Murciego deu comezo ao taller de edición e xestión de revistas de arte experimentais que se desenvolverá entre hoxe e mañá; e o sábado, despois da mesa redonda do feet, será cando presenten ao público a edición especial que están realizando entre todos os participantes.

A DAG quere aproveitar tamén a magnífica plataforma do Culturgal para achegarse ao gran público e para dar a coñecer o labor desta asociación que agrupa a deseñadores gráficos e industriais de toda Galicia.

A Asociación Galega de Deseñadores é unha asoaciación sen ánimo de lucro que se fundou en 2006 e que desde entón traballa por alcanzar os seguintes obxectivos:

• Impulsar o deseño galego e defender os intereses dos deseñadores galegos.

• Dar a coñecer e implicar os deseñadores no tecido empresarial do país.

• Reivindicar que o deseño ten un valor de seu, e que as empresas e as institucións públicas que coidan este aspecto están a engadir valor á súa actividade.

• Crear canles de comunicación entre os profesionais e tamén entre estes e os futuros profesionais, os estudantes das escolas de deseño, co fin de favorecer o diálogo e a reflexión sobre aquelas cuestións que máis lles preocupan e interesan a todos.

Día: sábado, 4 de decembro

Hora: 13.00 h

Estades convidados!

1. O traballo creativo persoal dos asistentes ao taller
La Más Bella é unha revista que se nutre de colaboracións, polo tanto pedirésmoslles aos alumnos que traian con eles os seus traballos de calquera tipo e en soportes distintos: vídeos, arquivos dixitais, obras sobre papel, fotografías, etc. Todos aqueles traballos artísticos persoais e que lles gustaría ver publicados.

2. O contorno
Calquera elemento do noso contorno pode ser intelectualizado e incorporado á nosa produción editorial. O contorno urbano ofrécenos posibilidadaes infinitas para a mirada, a reflexión e a obtención de elementos, obxectos, imaxes, etc. Materia prima que se pode incorporar á edición.

3. A achega de La Más Bella
A nosa achega tentará ir un pouco máis lonxe da dun mero editor/observador e implicarémonos creativamente á hora de lles propor contidos ou alternativas aos colaboradores que racionalicen ou enriquezan as súas propostas.

Á Arxentina, o país convidado este ano, estarán dedicados dous dos actos centrais da programación: unha mesa redonda sobre a edición independente nese país e un relatorio sobre os libros prohibidos durante a Ditadura.

Ademais tamén se analizarán as claves que se achan detrás da proliferación de iniciativas editoriais independentes e o público asistente poderá coñecer de primeira man proxectos e produtos que normalmente quedan fóra dos circuítos convencionais de distribución.

Máis información na web de Tercera Edición

Un libro xa clásico, The elements of typographic style, do tipógrafo, poeta e tradutor canadense Rober Bringhurst, publicado por Hartley and Marks Publishers en 1993, e do que tamén tedes unha tradución ao español. Velaquí a referencia:

• Bringhurst, Robert (2008): Los elementos del estilo tipográfico. México: Fondo de Cultura Económica.

E tamén libros máis modernos como:

• Cheng, Karen (2006): Diseñar tipografía. Barcelona: Editorial Gustavo Gili.

• Novarese, Aldo (2009): El signo alfabético. València: Campgràfic editors.

• Unger, Gerard (2009): ¿Qué ocurre mientras lees? Tipografía y legibilidad. València: Campgràfic editors.

Desde 2002 dirixe o seu propio estudio, Typerepublic, especializado no deseño de tipografía e con sede en Barcelona.

Conta cunha ampla experiencia docente: é profesor asociado da Facultade de Ciencias Sociais e da Comunicación da Universidade Pompeu Fabra e leva percorrido xa medio mundo (México, Francia, A Arxentina, Italia...) dando conferencias e realizando cursos e talleres.

É autor do libro Type at work. Usos de la tipografía en el diseño editorial, de numerosos capítulos de libros e tamén de artigos sobre o tema publicados en revistas especializadas.

E os días 16, 17 e 18 de decembro ímolo ter no feet - foro de edición e tipografía, 2010 compartindo con todos os que se acheguen ata a Casa das Campás a súa experiencia e visión da tipografía.

Foto: Felipe Pimentel